२०७८।११।०६
मेलम्ची, सिन्धुपाल्चाेक
सिन्धुकाेट। सिन्धुपुरानागाउँ
माध्यमिक विद्यालयले शिक्षक विदाई कार्यक्रम सम्पन्न गरेको छ । विगत ७ वर्ष देखि
माध्यमिक तहको गणित विषय अध्यापन गर्दै आउनु भएकी शिक्षक श्री शान्ति गजुरेललाई
विदाइ गरेको हो। उहाँ सरूवा भएर काठमाण्डौ जिल्ला, गोकर्णेश्वर न.पा. २ स्थित रहेको
श्री बाल सुधार मावि, नयाँपाटी जान लाग्नु भएको हो ।
कार्यक्रममा
विद्यालयका विद्यार्थी तथा शिक्षकहरूले खादामाला तथा अविर लगाई शिक्षक गजुरेलको
सुखद् भविष्यको कामना गरेका थिए । कार्यक्रममा बोल्दै प्रधानाध्यापक कुमारप्रसाद
खतिवडाले निमित्त प्रधानाध्यापक समेत रहनुभएकी शिक्षक शान्ति गजुरेलले विद्यालयमा पुर्याउनु
भएको योगदानको चर्चा गर्दै भविश्यमा पनि विद्यालयलाई ' माइती
घर ' को रूपमा लिनुहुनेछ भन्ने अपेक्षा राख्नुभएको बताउनु
भयो ।
कार्यक्रममा बोल्दै
शिक्षक शान्ति गजुरेलले विद्यालयबाट धेरै कुरा सिकेको, विद्यार्थी तथा विद्यालय
परिवारले माया गर्दा-गर्दै पनि पारिवारिक कारणले पायक पर्ने ठाउँमा सरूवा हुन
लाग्नुभएको बताउनु भयो ।
कार्यक्रममा
विद्यालयका शिक्षक भुपेन्द्र कट्टेलले उहाँको सहयोगको खुलेर प्रशंसा गर्दै विदाइ
मन्तव्य राख्नुभएको थियो । यसैगरी शिक्षक इन्द्रकुमार तामाङले विदाइको क्षण खल्लो
लागेता पनि जीवनमा मिलन विछोड भैरहने र यो
नियमित प्रक्रिया भएको बताउँदै भावि दिनहरू पनि उज्ज्वल तथा रचनात्मक शैक्षिक
जिवनको कामना गर्नु भएको थियो । उक्त कार्यक्रममा विद्यार्थीको तर्फबाट कक्षा ११
मा अध्ययनरत छात्रा रिना लुइटेलले पनि विदाइ मन्तव्य राख्नुभएको थियो ।
कार्यक्रममा विदाइ
हुनुभएका शिक्षक शान्ति गजुरेललाइ उहाँको योगदानको उच्च मूल्याङ्कन गर्दै विद्यालयका
प्रधानाध्यापक कुमारप्रसाद खतिवडाले कदर
पत्र समेत प्रदान गर्नुभएको थियो ।
No comments:
Post a Comment